ភ្នំពេញ៖ ខណៈក្រុមម្ចាស់ម៉ូតូធំប្រមូលផ្តុំគ្នានៅព្រឹកថ្ងៃទី០៨ ខែតុលា នៅខណ្ឌជ្រោយចង្វារ ដើម្បីធ្វើដំណើរទៅខេត្តសៀមរាប មន្ត្រីអគ្គនាយកដ្ឋានគយ និងរដ្ឋាករកម្ពុជា បានចុះទៅត្រួតពិនិត្យ និងឃាត់ទុកម៉ូតូធំជាង ២០០គ្រឿង ក្រោយពីសង្ស័យថាម៉ូតូធំទាំងនោះអត់បង់ពន្ធត្រឹមត្រូវ។
មន្រ្តីគយបានថ្លែងនៅមុខក្រុមម្ចាស់ម៉ូតូធំថា អាជ្ញាធរគយសូមឃាត់ទុកម៉ូតូដោយស្ទូចដាក់រថយន្ត ដើម្បីស៊ើបអង្កេត និងចាប់ខ្លួនជនដែលគេចពីការបង់ពន្ធម៉ូតូ។
បើតាមមន្ត្រីគយ ក្នុងចំណោមម៉ូតូធំទាំងអស់នោះ គឺមានម្ចាស់ម៉ូតូប្រមាណពី៧០ ទៅ៨០ ដែលបានស្ម័គ្រចិត្តមកសារភាពថាមិនទាន់បង់ពន្ធម៉ូតូត្រឹមត្រូវ៕
